Annagoo ka hawl billownay Degmada Balcad soon marnay dhammaan tuulooyinka ku teedsan Webiga ilaa laga billaabo biya xireenka Balcad,irdoolay, Muka dheere,walamooy Basra iyo Dhagaxow Tuulada weyne e Xawaadlay halkaasoo aan kula kulannay Nabadoonka weyn ee Maxaas Maxamed Jiimbaar oo si diiran noogu soo dhoweeyay Degmada Xawaadlay halkaasoo qado sharaf loogu sameeyay Wafdiga aan wada soconnay oo ay ka mid aheen Wasaaradda Kalluumaysiga iyo Khayraadka Badda iyo Hay,adda FAO oo uu ka socday Wakiilka Hay,addaas Mudane Cabdi Saciid Axmed Baajuuni iyo Cabdi Cali Yare oo ah Khabiir Kalluumaysi kana socday Wasaaradda iyo Guddoomiyaha Dalladda Iskaashatooyinka Hibo Xasan Maxamed Rooble,

Intaas ka dib waxaa uga sii gudubnay Degmada Jawhar waxaan ka billownay Tuulada Halgan, iyo Tuulada Nuunkaay  oo iyada Casho Sharaf loogu sameeyay Wafdiga, waxaan u sii dhaafnay Degmada Jawhar meel 20 km bari ka xigta Tuulo la yiraahdo Timirre,oo aan ku aragnay Dhibaato aad u baaxad wayn,tuuladaaso lagu gubay Dagaal beeleed halkaas ka dhacay wakhti ka hor.

Dhaamaan meelaha aan soo aragnay waxaa ka muuqaday Dhibaatooyin xagga Qalab la,aanta ah waxay u baahanyihiin in laga kaalmeyo Qalabka Kalluumaysiga si doonyo,fiilooyin shabaag iyo wixii kale oo lagama maarmaan u ah Dadkaan Kalluumaysatada ah.